නියෝජ්‍ය විදුහල්පති පණිවිඩය

 හම්බන්තොට දිස්ත්‍රික්කයේ කීර්තිමත්  පාසලක් වන තංගල්ල පිරිමි ජාතික පාසල 2022 වර්ෂය වන විට වසර 143ක් සපිරෙන අතර විද්‍යාලයෙන් බිහි කළ  බුද්ධිමතුන්  පිරිස අතිමහත්ය.ඉදිරියටද අප පාසලෙන් එවැනි දරු පරපුරක් බිහි කිරීමේ අරමුණින් සහ පාසල තව තවත් ලෝකයට විවෘත කිරීමේ අරමුණ පෙරදැරි කොටගෙන පාසලේ වෙබ් අඩවිය ආරම්භ කිරීම වෙනුවෙන් පණිවිඩයක් නිකුත් කිරීමේ හැකියාව ලැබීම ගැන මම  ආඩම්බර වෙමි. 

අතීතයේ සිටම අධ්‍යාපනය නිරන්තරයෙන් වෙනස් වීම් වලට  භාජනය වෙමින් ඉදිරියට ගමන් කරමින් ඇත .ඉගෙනුම් ක්‍රමවේද මෙන්ම තාක්ෂණ මෙවලම් භාවිතය අතින් හා දැනුම උත්පාදනය සම්බන්ධයෙන්ද ගතවූ දශක දෙක තුල විශාල පිබිදීමක් දක්නට ලැබුණි. පුද්ගලයින්ගේ දෛනික කටයුතුවලට හා ආයතනයන්හි කාර්යක්ෂමතාවය හා ඵලදායිතාවය  දියුණු කිරීම සඳහා මෙවලමක් ලෙස පරිගණකයේ මුළු ලෝකය ම හඳුනාගෙන ඇත .

අප පාසලේද කාර්යක්ෂමතාවය හා ඵලදායිතාවය මෙම වෙබ් අඩවිය මගින් ඇතිවේ යැයි අප බලාපොරොත්තු වන අතර  මේ සඳහා දායකත්වය සපයන සියලු දෙනාටම මාගේ සුභාශිංශනය පිරිනමමි 

එච්.ඩබ්.ඒ.වසන්ත මයා

නියෝජ්‍ය විදුහල්පති 

හ/තංගල්ල පිරිමි ජාතික පාසල